ЯҢАЛЫКЛАР
Татарстан Республикасы белем бирү системасы идарә составының сыйфатын камилләштерү максатыннан Татарстан Республикасы Мәгариф һәм фән министрлыгы тарафыннан ТР Мәгарифне үстерү институты һәм “Сентябрь» ҖЧҖ (Мәскәү шәһәре) белән берлектә 2016 елның 23 ноябреннән 2017 елның 6 апреленә кадәр муниципаль район һәм Татарстан Республикасы шәһәрләре белем бирү бүлекләре (идарәләре) башлыклары өчен “Муниципаль белем бирү сәясәтен формалаштыруга заманча якын килү” исемле программа буенча этаплап уку оештырылды.
23-24нче ноябрьдә Марий Эл Республикасында Татар мәгърифәте көннәре уза. Бәйрәм чараларында Татарстан Республикасы Премьер-министры урынбасары-мәгариф һәм фән министры Энгель Фәттахов җитәкчелегендәге Татарстан делегациясе катнаша.
Йомгаклау иншаларында катнашу өчен гариза бирү бүген, 23нче ноябрьдә тәмамлана. Укучылар аттестациянең бу этабында катнашу өчен үзләре укый торган мәктәпләрдә теркәлү узалар.
Мәктәпне узган елларда тәмамлаган катнашучылар гаризаны яшәү урыны буенча мәгариф идарәсенә (бүлегенә) тапшыралар.
“Мәктәп директорларына, мәктәпкәчә белем бирү учрежденияләре мөдирләренә акча бирүне туктатыгыз. Нәтиҗәдә сезнең балалар зыян күрә ала”. ТР Премьер-министры урынбасары – ТР мәгариф һәм фән министры Энгель Фәттахов әти-әниләргә әнә шулай дип мөрәҗәгать итте.
Казан ( Идел буе) Федераль университеты каршындагы Идел буе төбәкара мәгариф хезмәткәрләренең квалификациясен күтәрү һәм яңадан әзерләү үзәге тарафыннан Күпмилләтле якшәмбе мәктәбе белән берлектә «Этномәдәни якшәмбе мәктәпләрендә дәресләрнең инновацион моделе» программасы төзелде.
2016 н елның 21 ноябрендә КФУның Лев Толстой исемендәге Филология һәм мәдәниятара багланышлар институтында «Идел буе республикалары милли әдәбияты: мәдәниятара багланыш мәсьәләләре» төбәкара фәнни-гамәли коференциясе ачылды.
Татарстан Республикасы Премьер-министры урынбасары - мәгариф һәм фән министры Энгель Фәттахов бүген WorldSkills (WorldSkills Hi-Tech) методикасы буенча сәнагатьнең югары технологияле өлкәләре эшче һөнәрләренең III Милли чемпионаты кысаларында уздырылучы JuniorSkills Hi-Tech бәйгесендә җиңү яулаган укучылар белән очрашты.
Татарстан җыелма командасы «Абилимпикс» сәламәтлеге чикләнгән кешеләрнең һөнәри осталыгы бәйгесенең II Милли чемпионатында катнаша. Республика командасы составында җиде катнашучы.
Татарстан Республикасы мәгариф һәм фән министрлыгы планы нигезендә һәм 2014-2020 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру, республика мәктәпләрендә әдәбият өлкәсендә сәләтле балаларны барлау, укучыларда фәнни-эзләнү, тикшеренү күнекмәләре формалаштыру, туган якка мәхәббәт тәрбияләү, татар халкы теленә, тарихына кызыксыну уяту, күренекле шәхесләренең иҗатын барлау, өйрәнү, пропагандалау максатыннан Буа муниципаль районы академик Р.З.Сәгъдиев исемендәге урта белем бирү мәктәбендә 2016 елның 17 нче ноябрендә «Шәҗәрәләр-нәсел агачы» исемендәге III төбәкара фәнни –гамәли конференция үткәрелде.
2016нчы елның 28нче ноябреннән 4нче декабренә кадәр Бөтендөнья СПИД белән көрәшү көненә туры китерелгән ВИЧ-инфекция белән көрәшү буенча II Бөтенроссия акциясе уздырыла. Акция кысаларында түгәрәк өстәлләр, конференцияләр, хәйрия марафоннары, бәйгеләр, тренинглар һ.б. үткәреләчәк.