ЯҢАЛЫКЛАР
Россия университетлары бу елның кабул итү кампаниясе кысаларында 5,8 мең бюджет урынына өстәмә кабул итү игълан итте. Бу хакта РФ вице-премьеры Дмитрий Чернышенко хәбәр итте.
17 сентябрьдә Казанда « Иң яхшы туган тел һәм әдәбияты укытучысы» Бөтенроссия конкурсы финалистларының сынаулары башлана. Татарстан башкаласында Россия халыкларының 36 теле тәкъдим ителер дип көтелә. Бу хакта конкурс сайтында хәбәр ителә.
Татарстанда сигез ел эчендә ресурс үзәкләре челтәрен төзүгә һәм үстерүгә 8,2 млрд сум акча кертелгән. 7,2 млрд сум республика бюджеты акчалары, тагын 980 млн сум - эш бирүчеләр инвестицияләре, диделәр ТР Мәгариф һәм фән министрлыгында.
Татарстанда һәм Россиянең тагын 10 төбәгендә унберенче сыйныф укучыларының 20%тан артыгы мәктәпне медаль белән тәмамлады. Башкортстанда һәм Липецк өлкәсендә һәр дүртенче укучы медалист булган.
Казанда яңа уку елында мәктәп парталары артына 182,3 мең укучы утырачак, бу узган ел белән чагыштырганда 8 меңгә күбрәк. Шуларның 19 меңнән артыгы - беренче сыйныф укучылары.
Белем көненә Казан мэриясе укучылар өчен бүләкләр әзерли. Беренче сыйныф укучыларына «Игелекле эшләр көндәлеге» һәм яктылык кайтаргыч элементлар, икенче сыйныф укучыларына - «Яшь эколог көндәлеге» тапшырылачак. Бу хакта эшлекле дүшәмбедә мәгариф идарәсе җитәкчесе Ирек Ризванов хәбәр итте.
Яңа уку елында Казанда өч яңа мәктәп ачылачак, гомумән алганда алар 4 мең укучы кабул итә алачак. Бу хакта эшлекле дүшәмбедә шәһәр башкарма комитетының мәгариф идарәсе башлыгы Ирек Ризванов сөйләде.
“Игелекле Казан” «Глаголица» Халыкара премиясе белән берлектә сәламәтлек буенча тайпылышлары булган балалар өчен әдәби конкурс башлап җибәрәчәк. Сайлап алу нәтиҗәләре буенча жюри әгъзалары игелекле тарихлар китабына керәчәк 15 әсәрне сайлап алачак.
Чәршәмбе, 21 августта, Республика клиник наркология диспансерында ата-аналар өчен психолог белән ачык очрашу узачак. Бу хакта “Татар-информ”га хастаханәнең матбугат хезмәтендә сөйләделәр.
Татарстан Лисичанск һәм Рубежный балаларының икенче төркеме өчен Кырымда ял оештырды. 231 бала 24 педагог белән Фороста урнашкан “Сәләт-Ак Барс” яшьләр үзәгенә ял итәләр.