ЯҢАЛЫКЛАР
Мәгариф һәм фән өлкәсендә күзәтчелек федераль хезмәте имтихан уздыру пунктларында контроль-үлчәм материалларын бастыруны һәм катнашучылар бланкларын сканлаштыруны сынап карады.
Бүген, 10нчы ноябрьдә, Мәскәүдә узучы "Мәктәп директоры-2016" Бөтенроссия бәйгесенең суперфиналистлары исемнәре ачыкланды. Казанның аерым предметларны тирәнтен өйрәнүле 146нчы номерлы мәктәбе директоры Диләрә Кәримова һәм инглиз телен тирәнтен өйрәнүле 165нче мәктәп директоры Айдар Шәмсетдинов, бәйге сынауларын уңышлы үтеп, Россиянең ун иң яхшы директоры исемлегенә керделәр.
2016нчы елның 10нчы ноябрендә республика белем бирү сыйфатын мониторинглау үзәгендә 2017нче елда 9нчы һәм 11нче сыйныф укучыларының дәүләт йомгаклау аттестациясен оештыру һәм уздыру сораулары буенча семинар үтте. Җыелышта 9нчы һәм 11нче сыйныф укучыларының дәүләт йомгаклау аттестациясенең исемлек тупланмасы координаторлары һәм операторлары катнашты. Семинар 2017нче елда дәүләт аттестациясен үткәрүнең мөһим сорауларына багышланган иде. Җыелыш барышында РБСМҮ һәм урындагы үзидарә органнарының ДЙА-11 һәм ДЙА-9 буенча хезмәттәшлеге этаплары тәкъдим ителде, төбәк мәгълүмат системасы кертү, имтихан үткәрү пунктларын зәзерләү, 2016нчы елның 7нче декабрендә узачак йомгаклау инша язүны уздыру үзенчәлекләре турында сөйләнде.
2016 елның 17 ноябрендә Буа шәһәрендә «Шәҗәрәләр – нәсел агачы» дип исемләнгән III төбәкара фәнни-гамәли конференция узачак. Конференциянең Р.З. Сәгъдиев исемендәге урта мәктәптә үтәчәк йомгаклау турында республика районнарыннан һәм Россия регионнарыннан килгән 100дән артык укучы катнашачак. Чара республика уку йортларында, мәктәпләрендә әдәбият өлкәсендә сәләтле балаларны барлау, укучыларда фәнни-эзләнү, тикшеренү күнекмәләре формалаштыру, туган якка мәхәббәт тәрбияләү, татар халкы генеологиясенә, манускриптына (кулъязмаларга), тарихына кызыксыну уяту, күренекле шәхесләренең шәҗәрәсен барлау, өйрәнү, пропагандалау максатыннан үткәрелә.
9нчы һәм 10нчы ноябрьдә Татарстанның 2нче һәм 5нче сыйныф укучылары рус теленнән бөтенроссия тикшерү эшләрендә (БТЭ) катнашачаклар. БТЭ ноябрьдә Россиянең барлык төбәкләрендә дә узачак. Россиядә тикшерү эшләре 10 меңнән артык мәктәптә, шул исәптән 307 Татарстан мәктәбендә узачак.
2016нчы елның 9-14нче ноябрь көннәрендә Санк-Петербург шәһәрендә "Россиянең ел тәрбиячесе" VII Бөтенроссия һөнәри бәйгесенең финал чаралары узачак. Татарстан Республикасыннан бәйгедә региональ этап җиңүчесе, Казан шәһәренең Яңа Савин районы 380нче номерлы балалар бакчасы тәрбиячесе Гүзәл Мөхәммәтҗанова катнашачак.
Милли мәгариф өлкәсендә идарә итү һәм алдынгы педагогик тәҗрибә белә уртаклашу һәм Россия Федерациясенең субъектларында яшәүче татар халкына мәдәни-мәгариф үсешендә ярдәм итү максатыннан, 2016нчы елның ноябрь-декабрь айларында Татар мәгърифәте көннәре үткәрелә. Чаралар Марий Эл, Мордовия Республикаларында, Оренбург һәм Пенза өлкәләрендә узачак.
"Йөрәгемне балаларга бирәм" Бөтенроссия өстәмә белем бирү өлкәсе педагогларының һөнәри осталыгы бәйгесенең финал сынаулары 7нче ноябрьдә Красноярск шәһәрендә башланды. Татарстан Республикасын бәйгедә Югары Ослан районы "Укучылар йорты" мөгаллиме Сергей Анохин һәм Питрәч районы Балалар иҗаты йорты мөгаллиме Валентина Макарова "Техник" һәм "Социаль-педагогик" номинацияләрендә тәкъдим итәчәкләр.
1нче ноябрьдә А.П. Обыденнов исемендәге Казан автотранспорт техникумында "Россиядә замана педагогика фәне һәм мәгарифе: мирас, традицияләр, прогнозлар" Халыкара фәнни-гамәли конференциясе узды.
Татарстанның өч югары уку йорты - Казан дәүләт энергетика университеты, Казан милли тикшеренү технология университеты һәм Яр Чаллы дәүләт педагогика университеты - эшләрен бәйсез бәяләү нәтиҗәсендә Россиянең иң яхшы 67 югары уку йорты исемлегенә кертелде.