ЯҢАЛЫКЛАР

«Илем киләчәге – минем кулларымда» республикакүләм сочинениеләр бәйгесенә нәтиҗәләр ясалды. Бәйге республика гомумбелем учреждениеләренең 1-11 нче сыйныф укучылары арасында коррупциягә каршы дөньяви карашны формалаштыру максатыннан игълан ителгән иде.

2009-2011 елларга Татарстан Республикасында терроризм һәм экстремизмны профилактикалау буенча Республика максатчан программасын гамәлгә ашыру кысаларында Татарстан Республикасының югары уку йортлары укытучылары һәм институтларның фәнни хезмәткәрләре арасында иң яхшы фәнни эзләнү һәм иҗат эшкәртмәсе, җәмәгать куркынычсызлыгы, терроризм һәм эстремизмга каршы тору өлкәсендә социаль кыйммәткә ия булган проект бәйгесе үткәрелгән. Проектлар җәмәгать куркынычсызлыгы өлкәсендә алдынгы белгечләр тарафыннан экспертлар бәяләве аша узган. Экспертлар комиссиясе карары һәм Татарстан Республикасы Мәгариф һәм фән министрлыгының 2011 ел, 23 нче ноябрь, 5532/11 номерлы карары нигезендә бәйгенең 3 җиңүчесе һәм 3 лауреаты расланган.

Халыкара хезмәттәшлекне һәм сәнәгать кооперациясен активлаштыру, халыкара үсеш тәҗрибәсен гомумиләштерү, алга таба нанофән үсешен камилләштерү буенча чаралар булдыру һәм нанотехнологияләрне техника һәм сәнәгатьнең төрле өлкәләренә кертү максатыннан, 2011 елның 30 нчы ноябреннән 2 нче декабренә кадәр Казанда “Сәнәгатьтә экологик куркынычсыз нанотехнологияләр” юнәлеше буенча “Сәнәгатьтә нанотехнологияләр” XII Халыкара фәнни-гамәли конференциясе уза.

2011 елның 16 нчы декабрендә Татарстан Республикасы Фәннәр академиясендә Татарстан Республикасы Хөкүмәтенең россия һәм чит илләрнең алдынгы белем бирү үзәкләрендә кадрлар әзерләү максатыннан оештырылган “Алгарыш” грантлар программасы буенча чыгарылыш укучыларының IV форумы кысаларында бөтенроссия олимпиадалары, конкурслар, конференцияләр җиңүчеләре исәбеннән (“Мәгариф” өстенлекле милли проекты кысаларында) талантлы яшьләрне бүләкләү тантанасы үткәреләчәк.

“Мәгарифне үстерү” федераль максатчан программасы тормышка ашырылуның беренче елы нәтиҗәләре буенча Мәгариф һәм фән министрлыгы Сертификацияләү һәм һөнәри квалификация үзәкләре концепциясен булдырды. Әлеге үзәкләр мәгариф учреждениесендә диплом алып чыккан колледж һәм вуз студентларыннан имтихан ала торган булачаклар.

Россиянең халыкара икътисади тирәлеккә интеграциясе, тотрыклы икътисади үсешне тәэмин итү һәм тормыш дәрәҗәсен үстерү ихтыяҗы белгечләрнең әзерлек дәрәҗәсе һәм квалификациясенең эш сыйфатына карата заманча таләпләргә һәм тиз алышына торган хезмәт базары конъюнктурасы шартларына яраклы булуы мәсьәләсен кискен куялар.

Россиядә, дәүләт аккредитациясе белән беррәттән, белем бирү сыйфаты экспертизасы нигезендә уку йортларын иҗтимагый-һөнәри аккредитацияләү актив рәвештә кертелә.

Белем бирү сыйфатын бәяләү өлкәсендә систем үзгәрешләр әлеге сорауга комплекслы якын килгән очракта гына мөмкин. Әлеге якын килү Мәгариф үсешенең 2011-2015 елларга исәпләнгән федераль максатчан программасын тормышка ашыруны тәэмин итә.

Россия мәгариф системасын модернизацияләү һәм бәйсез экспертлар оешмалары эшчәнлеген активлаштыру уку йортларының тышкы бәйсез рәвештә бәяләү һәм иҗтимагый аккредиитацияләүгә кызыксынуларын шактый арттырды.

Россия Федерациясе Мәгариф һәм фән министрлыгы һәм Мәгариф һәм фән өлкәсендә күзәтчелек федераль хезмәте белем бирү сыйфатына иҗтимагый бәя бирүне үстерүгә һәм һөнәри белем бирү программаларын аккредитацияләүгә ориентлашкан проектларны үстерү өстендә эш башлыйлар. Белем бирү сыйфатын бәяләү өчен кораллар булдыру эше алып барыла.